Thursday, 16 February 2017

ನೇಸರ ಸರಿಯುವ ಸಮಯ






ಮುದ್ದಾಗಿ ಕಚಗುಳಿಯಿಕ್ಕೊ ಅಲೆಗಳು
ಕಾಲ್ತಂಪಾಗಿಸೋ ಬೆಚ್ಚಗಿನ ನೀರು
ಕಣ್ಣೀರ ಒರೆಸುವ ತಿಳಿಯಾದ ತಂಗಾಳಿ

ಆದರೂ ನಿನ್ನ ಹುಡುಕುವ ತವಕ
ಈ ಜೀವನ ಮುಸ್ಸಂಜೆಯಲ್ಲಿ ||
ಅವಧಿ ಮುಗಿಯುವ ಮುನ್ನ
ನೀ ಧರೆಗಿಳಿಯ ಬಂದೆ
ರಕ್ತ-ಮಾಂಸದ ಮುದ್ದೆಯಾಗಿ
ನೀ ಜಾರಿ ಹೋದೆ 
ಮತ್ತೆಂದೂ ಮರಳಿ ಬಾರದ ಲೋಕಕ್ಕೆ||
ಕೊಟ್ಟಂತೆ ಮಾಡಿ ಕಿತ್ತುಕೊಂಡ ಅವ
ನೂರಾರು ಕನಸ ಚೂರಾಸಿಗಿದ ಅವ
ಉತ್ತರವಿಲ್ಲದ ಪ್ರಶ್ನೆ ಹುಡುಕ ಹೊರಟೆ
ನಿನ್ನ ಹೆಜ್ಜೆ ಗುರುತು ಹಿಡಿದು 
ಕಾಣದಿಹ ಅಜ್ನಾತ ಜಾಗಕ್ಕೆ||
-ಶುಭಶ್ರೀ ಭಟ್ಟ

No comments:

ಮನತಾಕಿದ ಅಕ್ಕು ನಾಟಕ

   ಮನತಾಕಿದ ಅಕ್ಕು ನಾಟಕ ನಾನು ವೈದೇಹಿಯವರ ಅಭಿಮಾನಿ ಓದುಗಳು,ಅವರ ಕಥೆಗಳಲ್ಲಿ ಬರುವ ಪ್ರತೀ ಪಾತ್ರಗಳು ಮನದಲ್ಲಿ ಅಚ್ಚೊತ್ತಿಬಿಡುವಂತಿರುತ್ತವೆ.ವೈದೇ ಹಿಯ...