Monday 26 December 2016

ನನಗೀಗ ನಿನ್ನದೇ ನೆನಪು...




ಇಂಪಾದ ಕೋಗಿಲೆ ಕಲರವ
ಸಂಪಿಗೆ ಸೂಸುವ ಪರಿಮಳ
ತಂಪಾಗಿ ತೂಗಿಬರೊ ತಂಗಾಳಿ
ಯಾವುದರ ಅರಿವಿಲ್ಲ-ನನಗೀಗ ನಿನ್ನದೇ ನೆನಪು

ಕಣ್ಮನ ತಣಿಸುವ ಗಿರಿಸಾಲು
ಮನ ಮುದಗೊಳಿಸುವ ಬೆಳ್ಮುಗಿಲು
ಕಚಗುಳಿಯಿಡುವ ಕಡಲತೀರ
ಯಾವುದೂ ಬೇಕಿಲ್ಲ-ನನಗೀಗ ನಿನ್ನದೇ ನೆನಪು

ಅಸ್ತಗಿರಿಯತ್ತ ಓಡುವ ಸೂರ್ಯ
ಸಂಜೆವೆಣ್ಣಿನ ನೇಸರ ನೆರಳು
ಮುಸ್ಸಂಜೆಯ ದೀಪದ ಬೆಳಕು
ಯಾವುದೂ ತಿಳಿತಿಲ್ಲ-ನನಗೀಗ ನಿನ್ನದೇ ನೆನಪು

ನಿನ್ನೊಲುಮೆಯ ಕಡಲಲ್ಲಿ ತೇಲಿ
ನಿನ್ನ ತೋಳಸೆರೆಯಲ್ಲಿ ಬಂಧಿಯಾಗಿ
ಸದಾ ನಿನ್ನ ಪ್ರೇಮಖೈದಿಯಾಗುವಾಸೆ
ಬೇಗ ಬಾ ಇನಿಯ-ನನಗಂತೂ ನಿನ್ನದೇ ನೆನಪು


  -ಶುಭಶ್ರೀ ಭಟ್ಟ

"ಗೋಟಡಕೆಗೆ ಸಿಕ್ಕ ಮಿಠಾಯಿ"

ಬಾಯಲ್ಲಿಟ್ಟರೆ ಕರಗುವ,ಕಲ್ಲುಸಕ್ಕರೆಗಿಂತ ಸಿಹಿಯಾದ,ಮೆದ್ದರೆ ಬಾಯೆಲ್ಲಾ ಕೆಂಗುಲಾಬಿಯಂತಾಗುವ 'ಬೊಂಬಾಯಿ ಮಿಠಾಯಿ' ಅಂದರೆ ನಮಗೆಲ್ಲಾ ಅದೇನೋ ಅಚ್ಚರಿ,ಕುತೂ...