Thursday 30 July 2015

ನನ್ನ ಮನಸು ಅದರ ಕನಸು

     ನನ್ನ ಮನಸು ಅದರ ಕನಸು

ಪುಟ್ಟಪುಟ್ಟ ಹೆಜ್ಜೆಯಿಟ್ಟು
ಮುದ್ದಾಗಿ ತೊದಲ್ನುಡಿದು
ನಿಮ್ಮನ್ನೆಲ್ಲಾ ನಗಿಸುವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ಇಷ್ಟವಿರದ ಪಾಠಿಚೀಲವ ಹೊತ್ತು
ನೆಚ್ಚಿಕೊಂಡ ಕುಂಟಾಬಿಲ್ಲೆ ಮರೆತು
ನಿಮಗಾಗಿ ಓದುತ್ತಿರುವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ಹೊರಲಾರದ ಹರೆಯದಿ ನೆರೆದು
ಹೇಳಲಾಗದ ನೋವನುಂಗಿ
ನಿಮಗೋಸುಗ ಹುಸಿನಗುವ ಬೀರುವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ನಸುಕಿನ ನಿದ್ರೆಯ ದೂಡಿ
ಲಗುಬಗೆಯಲಿ ಕೆಲಸಕೆ ಓಡಿ
ನಿಮ್ಮ ನೋಡಿ ಸುಸ್ತುಮರೆವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ಕೃಷ್ಣನ ಕಣ್ಮಣಿ ರುಕ್ಮಿಣಿಯಾಗಿ
ಮಮತೆಯ ಯಶೋಧೆಯಾಗಿ
ಕ್ಷಣಕ್ಕೊಂದು ಪಾತ್ರ ಧರಿಸುವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ಬಿರುಗಾಳಿಗೆ ಬೆದರದಂತೆ
ಬರಸಿಡಿಲಿಗೆ ಬಾಡದಂತೆ
ಸಂಸಾರದ ತೆಪ್ಪ ನಡೆಸಲು ಸಹಾಯ ಮಾಡುವ
ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

ನಕ್ಷತ್ರದಂತೆ ಮಿಂಚುವ
ಮೀನಿನಂತೆ ಮಾಯವಾಗುವ
ಅಲೆಗಳಂತೆ ಪುಟಿದೆಳುವ
ಕಡಲಡಿಯಲಿ ಮಲಗುವಂತ
ಪೂರೈಸಲಾಗದ ಕನಸುಗಳೇ ನೂರಾರು ನನಗೆ
ಆದರೂ ನನಗೂ ಒಂದು ಮನಸಿದೆ
ಅದರಲ್ಲೊಂದು ಕನಸಿದೆ||

-ಶುಭಶ್ರೀ ಭಟ್



"ಗೋಟಡಕೆಗೆ ಸಿಕ್ಕ ಮಿಠಾಯಿ"

ಬಾಯಲ್ಲಿಟ್ಟರೆ ಕರಗುವ,ಕಲ್ಲುಸಕ್ಕರೆಗಿಂತ ಸಿಹಿಯಾದ,ಮೆದ್ದರೆ ಬಾಯೆಲ್ಲಾ ಕೆಂಗುಲಾಬಿಯಂತಾಗುವ 'ಬೊಂಬಾಯಿ ಮಿಠಾಯಿ' ಅಂದರೆ ನಮಗೆಲ್ಲಾ ಅದೇನೋ ಅಚ್ಚರಿ,ಕುತೂ...