ಆಸೆಯೆಂಬ ಚುಕ್ಕಿಯಿಟ್ಟು
ಬಯಕೆಯೆಂಬ ಕುಂಚಹಿಡಿದು
ಕನಸೆಂಬ ರಂಗುತುಂಬಿ
ಮದುವೆಗೆಂಡು ಮದರಂಗಿಯ ಹಾಕಿಕೊಂಡಿದ್ದೆ||
ಎದೆಯಲಿ ಕುಣಿವ ನವಿಲು ಗಂಡು
ಚಿಮ್ಮಿನೆಗೆವ ಜಿಂಕೆ ಹಿಂಡು
ಮುಗುಳುನಗುವ ಮೊಲದದಂಡು
ಎಲ್ಲ ನೋಡ್ತಾ ಅವನನ್ನೇ ನೆನೆಸುತ್ತಿದ್ದೆ||
ಸಿಂಗರಿಸಿಕೊಂಡ ಕಲ್ಯಾಣಂಟಪ
ರಂಗೇಸಿಕೊಂಡ ರಂಗಿನ ಕೈಕಾಲು
ಅಲಂಕರಿಸಿಕೊಂಡು ನಿಂತ ನಾನು
ತಾಳಿಕಟ್ಟಿಸಿಕೊಳ್ಳಲು ಬಂದು ಕುಳಿತಿದ್ದೆ||
ಹೊತ್ತು ಕಳೆದು ಕತ್ತಲಾಯ್ತು
ಬೆಳ್ಳಿಚಂದ್ರ ಬಾನೇರಾಯ್ತು
ಮದುವೆಯಂತು ಮುರಿದುಬಿತ್ತು
ನನ್ನವ ಬರುವನೆಂದು ಕಾಯುತಲಿದ್ದೆ||
ಮದುವಣಗಿತ್ತಿ ಪಟ್ಟ ತೊರೆದು
ತಾಳಿ ಮಾಸಿ ಮಸುಕಾಗಿ
ರೇಷ್ಮೇ ಸೀರೆ ಬಣ್ಣ ಸವೆದು
ಮದರಂಗಿ ರಂಗ ಕಳೆದು
ಮಾಸ ಮುಗಿದು ಪಕ್ಷ ದಾಟಿದ್ದರೂ
ಬರಲಿಲ್ಲ ಅವ ಹಿಂತಿರುಗಿ
ಆದರೂ ನಾನವನ ಎದುರುನೋಡುತ್ತಿದ್ದೆ||
ಶುಭಶ್ರೀ ಭಟ್ಟ
No comments:
Post a Comment